MOLIYAVIY HISOBOTNING XALQARO STANDARTLARI: MUAMMOLAR VA YECHIMLAR

Abstract

Xalqaro hamjamiyat bilan o‘zaro aloqalarni kuchaytirish, yaxshi munosabatlarni yanada yangi bosqichlarga ko‘tarish natijasida O‘zbekiston Respublikasi iqtisodiyotiga qo‘shimcha investitsiyalar jalb qilish imkoniyati ortib boradi. Buning uchun  buxgalteriya hisobining xorijiy investorlar tushunadigan, investitsiyalar qilish uchun qarorlar qabul qilishlariga imkon beradigan xalqaro standartlarga o‘tilishi maqsadga muvofiq bo‘ladi. Bu yo`lda tegishli harakatlar 1987 yildan boshlangan bo`lib, mamalakatimizda xorijiy korxonalar bilan hamkorlik ishlari yo‘lga qo‘yila boshlangan, jumladan chet el kapitali ishtirokida qo‘shma korxonalar tuzila boshlangan. Iqtisodiyotni barcha sohalarini qayta qurish bilan buxgalteriya hisobini takomillashtirish dolzarb masala sifatida yuzaga kelgan va mazkur yo‘nalishda yangi schyotlar rejasiga o‘tish ilk qadamlardan biri bo‘lgan. Amalga oshirilgan ishlar natijalariga asoslangan holda 1991 yil 1 noyabrda «Korxonalar moliya-xo‘jalik faoliyatini buxgalteriya hisobining Schyotlari rejasi va uni qo‘llash bo‘yicha Yo‘riqnoma» tasdiqlangan va ularni 1992 yil 1 yanvardan amalga kiritish tavsiya etilgan. Likin shu kungacha buxgalteriya hisobini xalqaro standartlariga to’liq o’tildi deb ayta olmaymiz. Ushbu holat, moliyaviy hisobotning xalqaro standartlari: muammolar va yechimlar mavzusini dolzarbligini belgilab beradi.